Presentación del libro «Carlos López García-Picos. Música a Orillas del Atlántico»

usc-garcia-picos

Presentación del libro «Carlos López García-Picos. Música a Orillas del Atlántico»

A USC, a Xunta de Galicia e o Concello de Betanzos co editan o libro Carlos López-García Picos. Música a orillas del Atlántico , unha exhaustiva e documentada biografía, tanto persoal como musical, do compositor betanceiro (1922-2009) que, tanto no exilio tras a Guerra Civil como logo no seu retorno a Galicia dende 1984, desenvolveu unha intensa carreira de creación musical composta por un rico catálogo de 141 obras, obras sinfónicas, cuartetos, obras para piano ou para violoncello, entre outras.

O volume presentárono este venres na Sala de Prensa do Colexio de Fonseca a vicerreitora de Estudantes, Cultura e Responsabilidade Social da USC, Dolores Álvarez; o autor do libro, o pianista e investigador Javier Ares Espiño; o secretario xeral de Cultura da Xunta de Galicia, Anxo Lorenzo; a concelleira delegada de Cultura do Concello de Betanzos, María Barral; e o director de Publicacións da USC, Juan L. Blanco Valdés.