Titulado Superior de Música polo Conservatorio Superior de Música de Sevilla na especialidade de Frauta Traveseira, con cualificación de sobresaliente, baixo a tutela de Francisco Javier López. Paralelamente asiste a clases de forma regular con Vicent Morelló (Real Orquestra Sinfónica de Sevilla) e Mónica Raga (Orquestra Sinfónica de RTVE). Así mesmo, realiza cursos de perfeccionamento cos profesores Jacques Zoon, Julia Gallego, Sarah Louvion, Jan Ostry e Philippe Bernold. No ámbito da interpretación, gaña concursos como o 1º Premio do concurso de solistas da Orquesta Filarmonía de Sevilla, coa que interpreta o concerto para frauta de Jacques Ibert, o Premio de Fin de Grao das Ensinanzas Profesionais de Música e resulta finalista dos Premios Extraordinarios de Música da Comunidade de Madrid.
No curso 2020-2021 realiza o Máster Universitario en Profesorado de Educación Secundaria Obrigatoria e Bacharelato na Universidade de Santiago de Compostela.
No ámbito docente, impartiu clases en centros como o Conservatorio Profesional de Música da Estrada, Escola Municipal de Música de Oroso, Escola Municipal de Música de Ordes e a Escola Municipal de Música de Santiago de Compostela.
Actualmente atópase realizando o Programa de Doutoramento en Historia da Arte na Universidade de Santiago de Compostela, investigando sobre a música de salón en Galicia entre 1877-1936, baixo a dirección da profesora Montserrat Capelán.
