Leslie Freitas de Torres ( Sao Paulo, 1984) foi distinguida co premio Domingo Fontán da Real Sociedade Económica de Amigos do País de Santiago polo seu traballo José Gómez Veiga-Curros. O rostro da música compostelá. Está dotado con dous mil euros e prevese a súa publicación ao amparo do Consorcio. O acto de entrega celebrouse onte na sede da entidade, situada na praza de Salvador Parga, coa asistencia do reitor da USC, Antonio López. «Cando recibín a noticia do premio chorei moito e chamei á miña familia para contarlles sobre esta bendición», declara a brasileira asentada en Santiago desde fai cinco anos, e engade que é o recoñecemento a unha tese «ben realizada e orientada». Pepe Curros (Santiago, 1864 ? Vigo, 1946), como se lle coñecía, foi un músico de «gran prestixio» no ámbito local. O seu dominio do violín levoulle a desempeñar « tempranamente» o cargo de segundo violín no Teatro Principal e na Capela de Música da Catedral de Santiago. A investigadora destaca que Curros obtivo premios e participou en xurados, ademais de realizar un labor docente «moi significativa: Impartiu clases na escola de música da propia Económica e no colexio de sordomudos e de cegos. O seu traballo educativo foi recoñecido pola poboación e galardoado en 1935 coa Medalla do Traballo». Como compositor dirixiu a súa obra a grupos de cámara, banda, orquestra e coro, e as súas partituras foron interpretadas en cafés, teatros e igrexas da cidade, segundo agrega a investigadora.
A musicóloga brasileira Leslie Freitas obtivo ou premio Domingo Fontán por un traballo sobre o compositor Pepe Curros
