Doutora en Historia da Arte e Musicoloxía pola Universidade de Oviedo, institución que lle otorga o Premio Extraordinario de Doutoramento pola súa teses doutoral titulada “El compositor Isidro Maiztegui en el cine y la música española: migraciones, modernización e identidad”, dirixida polo Dr. Julio R. Ogas Jofré e desenvolvida dentro do Programa “Severo Ochoa” de Axudas Predoutorais para a formación en investigación e docencia do Principado de Asturias. Así mesmo, obtén o título de Máster en Patrimonio Musical pola Universidade de Oviedo, Universidade de Granada e Universidade Internacional de Andalucía; é Licenciada en Historia e Ciencias da Música pola Universidade de Oviedo; e Diplomada en Maxisterio, Especialidade en Educación Musical pola Universidade de Santiago de Compostela.
A súa liña de investigación céntrase no estudo dos intercambios musicais entre Arxentina e España no ámbito da música académica e cinematográfica no século XX. Este aspecto lévaa a participar como relator en congresos e publicacións nacionais e internacionais. Así, en 2022, publica o seu libro La música de Isidro B. Maiztegui Pereiro en el contexto hispano-argetino. Migración, cine y sonidos de la identidad (Editorial Libargo).
Na actualidade, forma parte dos proxectos de investigación “Música en España y el Cono Sur americano: transculturación y migraciones (1939-2001)” [MCI-20-PID2019-108642GB-I00] da Universidade de Oviedo e “Galicia-América: Música civil, ideología e identidades culturales a través del Atlántico (1800-1950)” [PID2020-115496RB-I00] da Universidade de Santiago de Compostela.
