Proxectos

Laura Touriñán Morandeira

Laura Touriñán Morandeira é investigadora postdoutoral con contrato Margarita Salas da Universidade de Santiago de Compostela e membro do Grupo de Investigación “Estudios Históricos de Música en Galicia y América (ss. XI-XX)” (GI-2025) desta institución.
Doutora con sobresaliente cum laude e Mención Internacional pola Universidade de Santiago de Compostela, autora da tese de doutoramento Marcial del Adalid (1826-1881): biografía, catalogación da súa obra musical e a súa vinculación coa creatividade cultural socio-identitaria. Licenciada en Historia e Ciencias da Música e Máster en Música Hispana pola Universidad de Salamanca; Grao Superior de Piano polo Conservatorio Superior de Música de Castela e León e Máster en Xestión Cultural, na especialidade de Artes Escénicas, pola Universidade Internacional de Cataluña.
Participa periódicamente en congresos e en cursos de formación en investigación e docencia. E é autora de diversas publicacións (académicas e divulgativas) relacionadas coa Musicoloxía Histórica, a Educación Musical e as Humanidades Dixitais.