Especializado en percusión contemporánea, completa os seus estudos de licenciatura no Koninklijk Conservatorium, Hogeschool van Beeldende Kunsten, Muziek en Dans da Haia, Países Baixos. Continúa os seus estudos de “master in music performance” na Royal Irish Academy of Music, Dublin City University en Dublín, Irlanda, obtendo a distinción “First Class Honours”. Doutorando na Facultade de Xeografía e Historia da Universidade de Santiago de Compostela, realiza a súa tese «Procesos estruturais electroacústicos en Enrique X. Macías» baixo a dirección da Dra. Montserrat Capelán e a codirección de Dr. Jorge Variego da UTK, The University of Tennessee.
Ao longo da súa carreira como instrumentista realizou concertos como solista, con ensembles de música contemporáneas e orquestras sinfónicas, participando en numerosos festivais nacionais e internacionais. Galardoado na quinta edición dos Premios Martín Códax dá Música, conta con tres traballos discográficos en solitario, Pparafusxo(2010), Diáspora, novas musicas de aqui e de acolá (2017) e Argana, estrutura rítmico espiñal (2020).
Cofundador de ONME Gestión Cultural S.L. actualmente é membro do grupo Organistrum (GI-2025) da USC e investigador colaborador do Grupo de Investigação em Música Contemporânea (GIMC), integrado no CESEM–Centro de Estudos de Sociología e Estética Musical da FCSH–Universidade Nova de Lisboa.
