Os comisarios da exposición Cantantes Líricas Galegas dos séculos XIX e XX , F. J. Garbayo e M. C. Lorenzo, participarán no Coloquio Internacional Cruces Galicia-Portugal: redes migratorias e culturais que terá lugar na Universidade Nova de Lisboa os días 10 e 11 de abril de 2025.
Nas xornadas de traballos, os comisarios da mostra, exporán na sesión previa á inauguración oficial da exposición -que agora itinera a Lisboa como actividade paralela ao coloquio- os seus traballos “Mirando aos dous lados do Atlántico: cantatrices líricas galegas dos séculos XIX e XX en Portugal e América” (F. J. Garbayo) e “Fronteiras musicais desdibuxadas: as xiras das compañías líricas entre Galicia e o norte de Portugal na segunda metade do século XIX” (M. C. Lorenzo).
